2017年8月16日 星期三

頂大

原本我以為,四條DQ左的笨實,最大鑊係劉小賴,因為佢有兩間姑婆屋,一鋪清左,喊足一世。長毛就一把年紀,爛命一條,有公屋住,咬綜援都仲得。罐罐就大把時日,破多幾次產,都未夠四十啦,捲土重來未可知呀。

今朝去茶居早茶,全場都講釘書機,電視新聞一播條肥佬,全場指住佢叫垃圾。但係播到東北重審,就冇乜人留意。我只見罐罐講到口水鼻涕一齊流,慘過死老母。心諗,駛唔駛呀?

後來先至知,人唔見棺材唔流淚,原來佢聽日都要重審,睇怕茂得仲長咯。

條友既遭遇,真係好曲折,好悲劇,不過就自己攞泥。

如果東翼前地一案,判左三個月以上,佢就唔駛選垃會,又唔會有司馬文讓路推佢一把,攪到佢高票當選。

如果DQ早D,就唔駛白做一年,而家又要孭頌費,又要回水。

但係你又冇得話人地陰你喎,就算劉伯溫再生,都算唔到你宣誓會好似雞啼咁,角、角、角,咁叫丫。你要怨,只好怨你老母,生到你咁蠢囉。當日你質阿陳維安,咪好型既?你琴日,流馬尿都流得好型呀。

聽日,判幾多呢?我今晚臨訓,一定會為你祈禱,希望開大、大、大、頂大!

4 則留言:

  1. 4個入面, 最抵死係小麗老千, 佢係教大學, 為人師表, 宣誓個格好乞人怕, DQ之後, 個樣頹到, 真係想唱生日歌.

    果個角角叫既羅湖聰, 要學下點做, 點解自己會比人煽動, 一班律師議員冇事.

    梁麗幗叫聰明D, 中途退下係因為 「我真的很怕自己投身了一場運動,不肯定有什麼成果,但很快就看到身邊的人付出了代價... 只係你去到某個位置,你就必然肩負起某d你唔想負,甚至負根本唔起既責任」

    回覆刪除
    回覆
    1. 梗係啦,幾時有醫科生、法學生去攪呢D野,條八婆仔都係後知後覺啦。

      刪除
    2. 今日有人質問梁家傑,以公民抗命為崇高理想,推啲學生去死,點解佢自己又唔出現?佢解釋話年紀大,爬唔到上鐵欄。呢啲咪狡辯囉!如果要支持,唔一定翻過鐵欄,可以响現場摇旗吶喊,講到尾,就係精人出口,笨人出手。呢班蠢仔成日話幫港人爭取公義,坐監都自我感覺良好,我真係服咗佢哋。

      刪除
    3. 真係人面獸心, 成班人渣, 8964叫人薪火相傳, 但邊個有帶仔女接力? 梁家傑, 何俊仁, 李卓人, 全部都有仔女.

      刪除