2017年8月21日 星期一

回帶

早幾年,當樓價開始發狂,就有報導,有大學畢業生,寧願搵份低人工的工作,以便可以立即申請公屋。

最近睇返一D當年的訪問,分別有兩個年輕時奮鬥而成就一番事業的人仕,苦口婆心咁勸:人向下望就會向下流,為何不趁年輕放手一博?呢兩位事業有成的人,都六十幾了,佢地上世紀七十年代起家,現在廿一世紀201X,環境變了很多,人的心態也變了很多。

上世紀八十年代,中英會談開始,很多人擔心香港回歸共產黨而移民。現在回歸廿年了,後生仔成日鬧共產黨,點解冇出現移民潮?可能後生一腔熱血,認為要負上時代的責任,留在香港,改變香港,去撥亂反正;亦可能係佢地明知自己根本冇能力移民,冇技能冇學識又冇錢,移去阿努瓦圖都唔得,成日睇韓劇但係又唔識韓文,英文就識晒咁多個字母,一拼埋就唔識。走又走唔到,留響香港又窮死一世,咁,就只好搵機會發洩。

現在年輕人的心態係點?我就死老坑一個,又少接觸年輕人,冇第一手資料。不過你睇下D政棍講野就可以有多少暸解,因為佢地係要SELL呢班年輕人,一定係針對佢地心態來打毒針的。

游BB講,大學生一畢業就要還貸款,扑野都冇地方。即係話佢的目標聽眾,係唔負責任,只知享樂,自居為受害者。咁呢班人,一有依郁,梗係撲出來攪事、發洩啦。

咁我都識個卅零歲的後生仔,冇學識,但識做麵包,佢做一份夜更工作,晨早再做一份散工,去支持一家三口的生活。但係佢有將來喎,到個女大多幾年,老婆可以出來做野,生活就得以改善,到個女讀完書,只要唔攪攪震,搵份工作,咁一家就得安穩咯。

你班友仔日攪夜攪,坐下監添,第日有乜收場,我就唔知勒。

沒有留言:

張貼留言