2017年8月28日 星期一

香港人的公敵

昨日打風,成朝困在家。簡單整個午餐食,之後就午睡,竟然一覺三個鐘頭,訓到攤攤腰。

起來望下街,開始有人出街,再開電視睇下風暴消息。心諗,屈左成日,我都要出街行行啦。上天台探下食神,成隻訓左響地,叫都唔應,唔知係咪嚇到傻左。都冇辦法。

落樓途中電話嚮起,原來係阻頭阻勢死老坑打來。條友成世都係我心中有事要辦就打來,先會有呢個不雅號。佢話一條友在乜乜酒樓坐緊,叫我過去。唉!屈左一日,出街行都不離幾個商場轉來轉去,就陪你癲一次。

條老坑講野來來去去都係幾樣,仔大女大都唔知做人為乜,每個月長糧食唔晒,仲有老人生菓金,搭車兩蚊,月底睇醫生。。。今次有樣新野,就係早前賣左樓搬新屋。佢話11年買四百七,今年賣八百二,乜都冇做過,又賺左住、帳面又多左幾百個。你話而家後生仔女點生存丫。

我頂丫!死老坑講風涼話。條友五十歲就從政府提早退休,已經咬左卅年長糧,你條友活多一天,就蠶食香港人的血汗錢多一天,我放狗咬你!

2 則留言: