2017年9月10日 星期日

睇相

網上睇到有條友,批評黃豬公個相好差。

我相信好多人讀書時代,都遇過些同學,個樣係衰到你唔想同佢來往的,我都有幾個,不過佢地乞人憎得來,又冇呢條豬公咁本事,可以攪風攪雨。

睇相係一門專門學問,除左零舍突出的,其他的好難單睇樣就知佢為人。但係只要當條友得得戚戚,就乜野底牌都露晒出來。

你睇熱妞當年推廿三條立法,個樣就好明顯話你聽,佢根本睇你唔起,你地識乜野丫,我話要立法就要立法,放長雙眼睇啦。

你睇蕭若元的視頻,每當講到某某國家點樣部署軍備去備戰,就會興奮到傻笑出來,你可知呢條友係幾想人開戰。

戴耀庭當日在台上煽動大眾『去飲囉』,個心係點,就在臉上話晒你聽。

同樣道理,當一個人火起時,個樣都好易出賣佢。當日梁振英在記招上推個波落曾俊華處,曾俊華斜望佢個樣,網民就形容呢個叫做『吊你老母丫』樣。

建制派人士仲衰,元秋之被人叫元秋,可見佢係幾咁失敗,其他的都費事數。都係老大哥曾鈺成好野,佢當年講:有邊個政治智慧比我高!個衰樣為佢爭來一個朵:老鼠成。但係佢本事在可以成功洗底,現在好似好德高望重咁添。

3 則留言:

  1. 我中意留意D二, 三線既人, 睇佢地受唔受到時間考驗.
    教棍陳文敏比個唔知哈佛定劍橋教授打敗, 做唔成副校, 而家摺左.
    反骨既馮敬恩靜晒.扮本土既梁天琦又靜晒.
    周融又靜晒.
    你私煙又謝晒.

    反而長毛仲有D聲氣, 佢唔似梁游咁lam盡議員津貼, 我覺得佢唔衰得晒.

    回覆刪除
    回覆
    1. 我開頭都覺得長毛叫做正氣,但睇過佢俾前戰友媽义,怕且都係一丘之貉。

      刪除
    2. 群過黃毓民的,全部冇個好人。

      刪除