2017年9月11日 星期一

有點不奈煩

今朝起身,望下個手機,有個短訊,有條友問我今日得唔得閒飲茶,個軟件有野想改。

就係上次一來到茶樓,就拎出三支手機、一部筆電,攪一大餐的那位。

其實我唔止一次同佢講,個軟件本身設計,最初係抄一本佢從圖書館借來的書而來,之後改下改下,短褲改成旗袍,阿媽都唔認得啦。我同佢講,你話我聽你平時係點樣用呢個軟件,我幫你從頭設計過啦。但係每次佢都顧左右而言他,唔鬼啋我。但係又時時改少少,加少少,其實如果我知道佢點用法,我可以做到有彈性D,佢要點用可以自己設定,咁就唔駛浪費咁多時間。

有時我諗,條友係咪當積功德,畀D生意我做呢?又或者佢以為大改動係我想掠佢水呢?但係經過咁多年摸索,我可以肯定,其實係佢唔想講,因為佢唔知點講,怕講完就露晒底,被我知道佢能力係咁有限。因為,從我對易經占卜有限的認識,知道佢有D野可能攪錯左。

咁,到底佢做緊乜呢?

雖然改兩改就有錢收,寫程式對我來講係輕而易舉的事,本應係何樂而不為,但係成日做D冇意義的事,我覺得有點不奈煩。

2 則留言:

  1. 對門外漢黎講, 你改少少野,佢覺得天咁大件事.

    回覆刪除
    回覆
    1. 剛剛相反,改到拆天,佢都以為你唔駛做,唔肯畀錢。

      刪除