2017年9月12日 星期二

甲由為患

早幾日收到中大校長的電郵,內容如下:


各位同事、同學、校友:
我雖然正在外地參加學術會議,但亦十分關心近日校園內的爭議事件。
「港獨」不但違反基本法,亦和我個人意願相違背。香港是中國不可分離的部分,這是不爭的事實。
同學在討論政治議題時,應保持和平、理性,亦應秉持尊重和包容的態度。
校園是學習的地方,不宜成為政治角力之所,在學期開始之時,讓我們的同學有一個安靜的學習環境。

校長沈祖堯
二零一七年九月七日


首先講清楚,阿校長唔係專登發電郵過我,收到呢封電郵的,冇十萬都有八萬人。唔好話我認屎認屁呀。

今日報紙阿林生的專欄,就僅僅形容呢件事為政治不正確。

沈、林兩位係大人物,佢地對學生都比較寛容。沈係校長,表明自己立場之後,勸學生讓同學有一個安靜的學習環境。林就著眼大處,認為管蝦毛不如管好個政府。

以我呢條老粗的睇法,宣揚獨立,即係分裂國家,係叛國,呢條罪好多國家都判死刑的。但我地特區政府,就溫溫吞吞,唔冷唔熱。

林生有道理,政府垃圾,大把污點,但係呢班學生搞搞震,惹人憎厭,掩蓋了政府的污點,先被垃圾官有機可乘,將大眾焦點轉到垃圾學生身上,自己就印印腳。

沈校長有道理,但係垃圾學生啋你都傻。以前人們形容大學係象牙塔,學者離地,匿響入邊閉門造車。計我話,而家大學似係坑渠,大群甲由聚響入邊,吼你熄燈,就出來搞搞震,撈油水。

學我以前個同事潮州大叔話頭:刁你老味,你班冚家剷,嗌下口號就以為自己好撚偉大,仆街啦!

我鄭重聲明,我冇要求過學生為我發聲爭取民主,爭取獨立!我相信大部份香港人都和我一樣。咁唔該你班契弟,要攪獨立就自己另起一個名號,唔好混水摸魚,話香港獨立,好似全香港人都想獨立咁。你地咁似甲由,我建議你地起個國名做甲由國,如果他日真係建國,我封卅八個八老毛過你,求你收我做靚。

2 則留言:

  1. 我都借你呢度呼籲班友仔,唔駛為我爭取民主或者言論自由!心領喇!

    回覆刪除
  2. 我要既民主自由, 絕對唔係呢班冇勇冇謀, 怕死又怕痛, 有事上的士鬆人既人為我爭取.

    回覆刪除