2017年9月15日 星期五

唔知諗乜

前日和舊同學開檯,一班老野,互相嘲笑對方老之外,難免又要呻下而家後生不知所謂,真係唔知佢地諗乜。

其實我就覺得,唔單止係後生難以猜度,連老野都一樣,甚至我話香港人癲得好緊要啦。你睇港大鬼佬校長,做左兩年就拿拿聲要走,一定唔係後生仔迫得佢走的。

都冇辦法啦,除非離開香港,否則都要忍落去,要知多D,咁先可以趨吉避凶。所以,我今日走左去睇下而家後生鐘意做D乜,專登去左葵涌廣場睇下。都有一排冇來了,一入到去,就覺得冷氣唔夠。行左兩行,發覺原來多左好多食店,怪唔知得咁熱啦。好多後生仔女在買野食,食物種類多得很,都係我未食過的。

行得兩個圈,我已經頂唔順要離開,咁鬼熱,會中暑架。

原來後生仔現在喜歡食野。仲一邊SHOPPING一邊要食。以前百貨公司,會有一層專做食店,等你行到累,行到餓,就去食下野充電。現在唔同囉,呢邊買完野食,一邊玩住手機,就過隔籬舖睇下有乜野買。咁密集的安排,怪唔得咁多人年輕迢迢就已經黐晒線啦。

2 則留言:

  1. 葵廣生命力好高, D舖好多類型又平, 而家全港都識.
    佢D野食都好得

    回覆刪除
    回覆
    1. 我就覺得危機重重,人又多,通道又窄,有乜事會好危險,我以後都唔會去。食店應該係小食牌,唔用明火用電,咁鬼多間,個場又舊,電力負荷隨時超標架。

      刪除