2017年9月16日 星期六

注意飲食和身心健康

遠在YAHOO BLOG年代,我開了現在這個BLOG,當時係想收集一些食療的文章,博下懵搵外快。後來也烏執笠,就自己搬了過來,把原意忘了。

其實日常飲食真係好重要,要配合個人體質,氣候和地理環境,平衡得好,身體才會好,心情才會好。好似我每次食過有豆豉,或者炒洋蔥的食物,訓覺就會多夢,訓得唔好。在加拿大時,飲咖啡多過飲水,但在香港,一杯都嫌多,否則會手震。近幾年夏天特別熱,如果入秋時唔滋潤一下,秋老虎就會咬人,就會咳到仆街,最慘一次係咳到春天都未咳完,熱咳變寒咳,成日半夜咳醒、冇覺好訓。

近日發覺又有秋燥的問題,雙目乾澀,口乾口苦,大便不順,卡住唔出,苦不堪言。今朝打算勤力一下,去買料返來煲啖湯水,點知太早,間間藥材舖都未開門,日頭已經曬到仆街,行到身水身汗,只好作罷。

我以前天真地認為,有家室的人真幸福,會有四時湯水,熱氣有涼茶,大、小暑有冬瓜水。後來和舊同學講起,佢話你就開胃,佢老婆永冇做呢D野,連平日晚飯都係出街食,一早就想離婚。早前去上點心班,睇見一班師奶處理食物的態度,我知道原來我呢個孤獨老人最幸福,我一係唔做,做起來必定好過呢班師奶。有D人就算肯煲湯,都可能係追魂奪命湯。阻頭阻勢死老坑個女,有次大熱天時,就整左煲乜鬼北茋燉烏雞,都唔知係咪想早D分身家?

繼而又諗到,而家咁多人咁黐線,會唔會係食懵左呢?大學生廿歲左右,佢地老豆老母咪五十左右,極可能係賓賓印印湊大,賓賓煮食出名難頂,印印可能熱毒野多,有D仲話加D經血過你食,等你聽晒佢話,於是乎食到一隻二隻懵盛盛,癲癲得得。

唉,冇得煲湯,唯有食個橙,好過冇啦。

2 則留言:

  1. 我覺得環境對人的身體有影响,我喺香港一飲親咖啡就會熱氣,所以甚少飲。我92年往加拿大,逗留咗40天,日日飲咖啡,但一啲熱氣都無。我以為自己適應咗,點知返到香港,飲少少都生飛滋。

    回覆刪除
    回覆
    1. 絕對係。加拿大飲用的是雪山水,所以除左飲咖啡,佢地特別喜歡BBQ,多肉多油多芝士。我地唐人長期在家食唐餐,係經常有肚餓感覺的。我試過食完晚飯,同老媽子話出去散步,然後走去麥記食多個漢堡包。

      刪除