2017年9月17日 星期日

危險二十歲

遠古之前有套電影,叫做危險十七歲,戲中秋官係有錢仔,嗒完修哥家姐就掉之哉。修哥為姐報復,嗒返秋官個妹。結局係點唔記得囉。

查實呢種思維都好得人驚,不過比起現代人,都係濕濕碎。

昨日有對情侶,一齊搭巴士,唔知點樣,個男的拔刀就斬,然後敲碎巴士玻璃窗跳左落街。兩個都係廿歲左右。點解會帶把刀出街?斬完人從巴士上層跳車,係逃跑還是自殺?真係要等警方調查下。

之前有班人,為買賣打野戰的器材費用,殺左條肥仔,死者和疑凶都只係廿歲左右。

再之前有班人在工廈劏房殺左個債主,企圖毀屍滅跡,全部都係廿歲左右。

賊王葉繼歡都冇你地咁早熟,而且佢只係想要錢,目的唔係殺人。廿歲人仔就想到要殺人,真係好想知佢地食乜野大。如果有人可以做呢方面科研,得出結論,我推薦佢攞諾貝耳獎。


2 則留言:

  1. 莫明其殺,唉!唔知係我老懵咗,定係個腦腦out咗,我都係撰擇唔出聲,令令頭好過.

    回覆刪除
    回覆
    1. 我都OUT左囉,今日有單十五歲斬十歲,我都係收聲囉。

      刪除