2017年9月2日 星期六

時間過得飛快

話咁快,明天又馬季開鑼。聞說今季有成八十八日賽事。記得我尚有心跑馬時,即係十年前,只係得七十八日一季,我計好數,每日只買四十蚊,三穿四位置Q過關,一季下來就算輸晒,都係三千一百二十元正。只要有一次過到關,就有本有利了。不過後來無心馬業,只係遇岩先至會買十蚊廿蚊咁。

如今加多成十日賽事,如果又重施故技,條數又要計過了。

新一季最仆街就係韋達,因為大摩請了主帥,一些好馬,好似駿皇彩就輪唔到佢了,馬屎都冇得執了。

季初一定亂,都係睇定D。蔡約翰就例牌慢熱,唔駛急。都係沈集成搶頭威啦,不過明日佢出馬咁多,點揀丫。大摩以前有一招,係開鑼日殺幾隻冷野,今季有了主帥,可能重施故技,不過又係太多馬,唔識揀了。

錢我就一早入定投注戶口勒,睇下明天有冇心情玩啦。

2 則留言:

  1. 韋達得兩隻咋,前冠軍騎師,淪落到咁?我諗唔駛睇LU.

    回覆刪除