食神老豆走了

今朝收工，返家時遇到食神老母，得知食神老豆走了。上海婆講廣府話，真係聽唔到幾多，只聽到末​尾階段，佢骨痛到想跳樓死。

唉！解脫了。大概係去年初得知佢有病，到今年已經不似人形，不如早早離去。

相識廿年，見佢平時都樂於助人。樓梯的光管，一有燒左，都係佢出手維修。之前未有事，佢仲主動換晒慳電膽。

最感激，就係為我帶來食神。本來我都唔喜歡狗勾，係食神咁熱情，第一次見面就溶化了我，才有了之後十年的相陪。

下次去竹林禪院，幫佢唸下經啦。