讀得書少

最近有單新聞，十五個人夾份買六合彩，竟然中左，派三千幾萬。如果平分，每人都兩百個。但係去買飛條友，話自己去買，應該分大份。其餘十四個人，當然吊佢老母啦。跟住條友揸住張飛去拎左錢，然後玩失蹤，結果報警，通輯，扣捕。

網民睇法好得意，有一個話：財經演員，每日都唔止呃１４個人啦！呢位先生，算係好人勒。

原來韓非子一早就講左：不恃人之為吾善也，而用其不得為非也。

＝＝＝

好多人都覺得呢條友正仆街冚家剷，而家拉左，九成九告得入，坐監，被革去一份高薪厚職，神憎鬼厭。

＝＝＝

我多年來自僱搵兩餐，其實遇過不少呢種人和事。最令我氣憤，就係你就算擺明搵我笨，都請你顧及我感受丫。你用咁笨柒的藉口來搵我笨，即係當我超級笨柒啫。

你自己笨，就以為我比你更笨，簡直係絕對頂級侮辱。結果都不離一個：我吊你都仲得。然後一刀兩斷。

＝＝＝

講來講去，又係我錯。我唔一早設防。。。

你地岩，係我蠢，讀得書少。係我邀請你搵我笨柒的。我欠你地太多了，今世還唔到，下世還啦。