暑期工買五層鑊

六月開始，轉新工作地點。以前搭小巴，如今搭地鐵。一出地鐵站，眼前景色，令我聯想起四十年前，暑期打工，收工返學校宿舍的情景。初夏黃昏，天色漸暗，心情輕鬆，無牽無掛，回到小小房間，享受現在的人所謂的me time 。歡樂時光過得飛快，交還宿舍時，真係唔捨得。

新工作簡單，大部分時間滑手機。或者策劃第二天的用餐。呢輪天氣咁熱，當然要煲冬瓜啦！

冬瓜皮和核就煲水，肉就用來做冬瓜粒排骨湯飯。

做湯飯買了韭黃，有剩又用來做乾燒伊麵。

又煲定海帶綠豆沙，雪凍呢兩日食。

上網睇到，父親節廚具減價，牛頭五層鑊賣299。現有的鑊，真係一個錯誤，好啦好啦！買個新的啦！

今天一早，就去買韭菜豬油開鑊。希望以後煎乜都唔黐底。