血光之災

今日端午節，都係返工放工，冇乜特別。

最特別就係流鼻水，可能係吹冷氣過多。擦完鼻發覺有血絲，唔通太熱氣？掉左紙巾，發現手指有血喎，乜事？原來係左手中指骨節位出血。剛才係攪過個抽水馬桶，可能係唔小心擦傷了。唔見就唔痛，一見就痛到小喇叭。

消毒程序仲痛到叫。冇計。如常攪一大餐，食過早餐就去眠。都訓得唔錯，醒來去廁所，發現地下有血腳印，仆街，乜料呀？

唔係一笪，係每步都係血。原來係左腳趾割傷了，仲好深下。大佬，點會不知不覺？原本唔覺痛，發現了傷口，又係痛到仆街。

今日乜日子？要大出血？

禍福無門，希望小小傷，頂去大災難啦！