2026年11月15日星期日

還有五天

今朝收工時,心癮又起。好耐冇去象山邨飲茶啦!佢D腸粉,好滑架。但係回心一想,唔得架!昨晚煮晚餐,煎件豬扒,炒幾條芥蘭。煮好之後,打開飯煲,仆街勒!唔記得撳掣。

長期煮飯的人,少不免都會經歷過呢種情景。冇法子,校好時間再煮,明天食。

===

近排家興有特價品,四罐五百毫升喜力,只賣廿蚊。真係抵。但係飲左幾日,出事勒。我平時飲開獅威,轉左酒,可能配方和原材料分別,酒濕極重,試過一晚拉肚子三次。有見及此,昨日拍了幾次香砂六君丸,個肚先至聽話。

所以今早,都係買返獅威啦。

===
返到屋企,第一時間係數魚。米奇九條,昨日下午瓜了一條,即時處理。但係仍然少了一條。

螺就兩粒仍在。但有一粒長期同一位置,可能都不久已。

黃金葛的根,被米奇啃得七七八八。要想想辦法
===

有時想像,願景,都要做多少研究先得。我不知道米奇係會咬食植物的根,結果當初的想像變成幻象。不過唔緊要,我慣啦、每次做事,都係事與願違。再修改下,起個熱帶森林出來都仲得。

沒有留言:

發佈留言