賺到笑

最近腸胃唔多妥，成日拉呀拉。於是食清淡D。昨晚好似有了好轉，但係今早仍然係輕輕拉。早餐煮個麵加隻蛋，諗住簡簡單單，過多兩日一定會好。

佢鹵味。。。到下午急轉直下，急急的拉。坐在屎坑上等佢拉無可拉，以為完了。但係一出來，個肚又作動，又回到屎坑上。個肚係絞到反面無情。拉完出來，都未坐低，又要返入去。如此循環了五、六次，大佬，屎眼都擦損，先至停低。

肉體受折磨，但係精神上突然有開悟。唔知第幾次蹲屎坑時就想到。。。

＝＝＝

每個有咁上下年紀的人，都免不了遇上過仆街冚家剷。我成日想起邊條撚樣搵鳩我笨柒，都氣憤不已。

今日突然就想到一點，如果唔係咁多仆街冚家剷，我又點會遇到咁多好朋友？

過去經歷一幕幕浮現。。。我呢個看更阿伯，開頭四圍去做替更，去到現場報到，成日被對方西口西面咁對待。要到一定時日，對方見我靠譜，先至改變態度，才開始有傾有講。無他，因為其他替更仆街冚家剷，才會令人一早先入為主，才會對我西面。

回想廿年前，上天台晾衫，遇上食神老豆，和佢打招呼，佢都好冷淡。係日子久了，慢慢才會有傾有講。後來佢在天台種菜，養狗，多傾談來往，才成為好鄰居。

想一想，如果世上冇仆街冚家剷，個個都好人，幾時輪到我和食神老豆成為好鄰居？就算佢一視同仁，咁只係大家蝦佬，拜拜咁樣的鄰居。

其他長久的好朋友都作如是觀。

＝＝＝

我有個WHATSAPP群組，成員都是中學同學。當時一班四十人，現在群組中有其中十人，個個都肝膽相照，長長久久。其餘卅人，好多失聯，亦有好幾個，係篩走左，佢搵我，我都會嘻嘻哈哈耍佢老母臭化的。我唔吊佢老母，都係我厚道了。

＝＝＝

職場上，生意上遇到的仆街冚家剷，如果佢地老謀深算，令我死心塌地去幫佢地做，咁我就仆街了。好在佢地蠢到死老母，全部吊佢老母唔撚撈。益左你，你就家山發了。

＝＝＝

咁我又唔係話要多謝班仆街冚家剷。閒來無事我都要大大力吊佢全家的。

＝＝＝

肚痾到屎忽痛，但係都有得著，令我笑了。