唔吊你老母你當我流

廿七日早上，阿頭同我講，廿五號晚，六樓消防警鐘嚮，你知唔知？

我一時未回神，實在係唔知，就照實講唔知。

條仆街話：消防車都來了，你都唔知？

我都未回過神，無言以對。

正仆街：咁即係訓左喇！

佢冇再講野，但係一副西口西面，令我好反感。

回到家中，心諗，條友一有事就發晒茅，亂咁發脾氣。我唔好同呢D豬西加隻雞計較。但係想下想下，事情未必係我錯。咁我就不能被人老屈。

廿七號晚上回到公司，立即翻查紀錄。事發係廿五號凌晨兩點，即係廿四號的更期，我並非當值。換言之，關我撚事！

立即搵另一個同工核實，佢確認唔關我事。同時，日更主管出現，我立即拉住佢講，並且拎出手機拍照。佢都唔知乜事，回覆話係係係。

我立即發圍：吊你老母！我都冇當值，仲賴我訓覺！自己老到矇鳩查查就回塘啦，仲亂鳩咁賴人，阻住個地球轉。我呢鑊唔會罷休，我會寫投訴信去你地總部，唔駛擔心，會CC你地同我公司。

兩條友立即嚇到唔敢出聲。

平時我好聲好氣，斯斯文文，笑面迎人。。。今次拍檯拍櫈，爆曬粗，一反一貫形象，佢地應該唔識反應。

到阿康，我公司的同事返來，我照樣發癲，複述事情，叫佢見到條仆街十一點上班立即打電話通知我，我要發佢圍，當住大眾，盡情羞辱佢。

阿康相勸，我地下把位，係咁架啦，冇謂攪到咁大啦。我照撐到盡，下把？今次佢衰在我手，我拎本OB薄對質，佢仲可以企得直？～～～

然後我就WHATSAPP公司編更王小姐，告知件事，用上誣蔑呢個字眼，附上截圖，證明我清白，要求調崗位。佢都從善如流，應承安排。

如是者，我知道我立於不敗之地，都費事嘥氣，鬧佢老母等如教精佢、佢咪家山發？點都唔益佢。通知阿康，唔駛通報，我會一走了之。

一夜無話。

廿八號朝早，我做完巡邏，入管理處落簿。條仆街講：廿五號單野，唔關你事。。。我啋佢都生臭狐，落完簿就走。到收工，佢再同我講：廿五號你係冇返工既。。。我掉頭就走，無理由生臭狐丫嘛。

至此，條氣順返好多。

到十點左右，編更通知我，即晚就調走，並安排好日後工作。

＝＝＝

第一，要多謝編更王小姐。佢從善如流，幫我安排好，免我再回去見到條仆街篤口篤面。又可能係我文筆好，事件交待得清楚，不亢不卑，非常得體。佢先會咁順攤。。。哇哈哈！

第二，當然要吊鳩呢個仆街啦。真係抵佢心絞痛要通波仔，跟住因為食左薄血藥，痔瘡爆發，血流不止而貧血。割痔瘡又長期不癒合，痛到死老母。

查實我係所謂頂更，好多事都唔到我理，巡樓等工作都唔係我份內。但係我都捱義氣做埋。連巴基之友一出事就閃人，自閉仔乜都傻鳩鳩，我都出頭攪掂。連另一個頂更，我都幫你從眾多個仆街廢物頂更中，挑選、物色到阿康，一個比較有交帶有擔當的，返來長期做，令到你班廢柴正裝，工作量減左一半。你都唔知輕重，仲要搵我來出氣。咁就大家一拍兩散，睇下邊個蝕底。

吊你老母我係算計你呀！我明知日更主管，佢都隨時退休，有乜事都唔會上身。見我咁激動，佢當然置身事外，當晚見幾次佢都扮忙扮見我唔到。但我知佢一定會開口同條仆街講，人地擺晒陣要奏上天庭，你條仆街自己衰就認啦。。。唔好累街坊呀！

人就係咁，劣根性係改不了。佢不止一次出完事之後，我幫手攪掂，佢都話下屬幫唔到手，係我幫到佢。但係人賤就係不能移，總會忘恩負義。到咁上下，一切都係必然，你出糧架！做野係本份架。自己屎忽痛就搵人出氣，自己做錯，就推卸責任。

沉默不是懦弱，和氣不是好蝦。你要開拖，我奉陪到底。

我唔係太監陳，我吊你都仲得！