笑話一則

今朝上城門引水道行了一轉，回程在小巴站等車，隔籬阿伯不甘寂寞，開手機睇片，開到拆天咁大聲，忍無可忍，我走。

行十幾分鐘出大路搭巴士。上了車，覺得好鬱悶，就想下有乜笑話。有了，係一個中學時代的笑話。

話說一個爛口佬去打獵，有個耶撚傳道人想踢佢入會，就跟埋去。

去到森林，有隻鹿出現，獵人舉槍就打，但係打唔中，就發老脾。吊佢老母，又打唔中。

傳道人就話，你唔好講粗口啦，神會懲罰你架。

獵人啋佢都傻，繼續打獵。此時有隻狐狸出現，舉槍就打，又唔中。獵人又爆粗，吊佢老母，又打唔中。傳道人勸佢，唔好講粗口啦，神會懲罰你架。

獵人毫不理會。見到隻狼，開槍又唔中。吊佢老母，又打唔中。

傳道人未及開口，一個旱天雷，就劈死了傳道人。此時天上傳來神的聲音。

吊佢老母，又打唔中。