Try a little kindness

今朝去到全日工作中最重要一個任務，就係等收工之時。我正在埋首手機睇新聞。突然有人敲窗。抬頭一望，原來係某公司客戶的大姐大。

我打開窗，早晨呀喂！佢伸手進來，將件東西塞進我手中。然後話，我做到月尾就唔做啦。我問：哦！有高就呀？佢話：走啦。

我只好話：哦！咁休息下都好丫。。。

然後佢就走去上班。睇返佢畀我的，係個鎖匙扣，有兩個扣牌，一個寫：日富一日、八方來財。另一個係：人生得意須盡歡，能不加班不加班。

鎖匙扣點會有兩個牌？莫非係訂造？

阿姐日日做十幾個鐘頭。我未收工，就見佢返工；到我返工後很久，才見佢離開。過年前，我問佢幾時收爐，佢話唔知。​

我估佢係頂唔住。

＝＝＝

我行山幾十年，路上遇到途人，會唔會打招呼，講聲早晨呢？係有分別既。點分？可意會不可言傳。有D人，望見就想吊佢老母，你同佢講早晨，佢都屎口屎面。有D就一眼就知，大家同步、早晨呀！十分醒晨。

知名人仕都有遇過，智叔就可以打招呼，可惜死撚左。黃日華，蘇絲黃，吊佢老母啦。方中信，周潤發，就十分功利。

用諸工作上，朝早見人，我都唔係個個都講早晨，免得貼到冷屁股上。

阿姐就好好相與，見到都必定打招呼。

＝＝＝

幾十年前就有個說法。男人聚頭，就比較誰有錢，成就高。女人就比較誰更靚。或者現在，係比拼誰咪咪更大。

咁先會出現有看更阿伯鳩吹自己每個月收租都成十皮野。

你不惜車大炮都要碾壓他人，不如大家仁慈一點啦。

＝＝＝

老坑記起老歌。

You've got to try a little kindness
Yes, show a little kindness
Just shine your light for everyone to see
And if you try a little kindness
Then you'll overlook the blindness
Of narrow-minded people on the narrow-minded streets

＝＝＝

阿姐同我，都會睇人來仁慈，咁大家咪好易相處囉。換著條太監陳，下下想搵人笨柒，我吊你都仲得。

＝＝＝

不過今時今日，try a little kindness? 唔好啦。

山中有直樹，世上無直人。

莫信直中直，須防人不仁。

＝＝＝

有乜依郁，吊佢老母啦。