＝＝＝
香港得幾隻熊貓，又話要攪熊貓經濟。可見香港真係乜撚都冇，小小野都要發到大一大。如今攪乜鬼命名比賽，但又唔准叫家姐細佬，怕到頭來，又係叫返家姐細佬，被人笑佢盞攪。
提名之餘，又要寫不超過一百字的簡介。以我聰明才智，寫一萬字都仲得。
拿！兩隻野在香港出世，一方水土出一方熊貓，所以和香港新一代後生仔女一樣，有同樣特性。所以囉，應該叫傻西家姐，和懵卵細佬。
簡直一百分。
＝＝＝
早前六合彩一注獨得，派彩億九。我已經接受現實，明知自己係一條窮撚命，所以斗零都冇買。
一般人買完六合彩，都會希望自己中，會幻想下中左之後點點點。我既然冇買，冇理由想像自己會中。反而、我就想像下我遇過的仆街冚家剷，中左億九會點。
以前見過一個看更阿伯，窮到傻鳩左，成日同人講佢每個月收租都十皮野，因為怕悶，先至出來捱更抵夜，一個星期做七十二個鐘頭。如果佢中左，每個月收息都十皮野啦，睇下佢仲做唔做看更阿伯？起碼少一個癲佬出來獻世，未嘗不是好事。
又如果太監陳中左，我估非常過癮。以前見過一個擦鞋怪，一辭左職，立即反轉豬肚，吊九個老細。以太監陳呢種返工就係抬高個屎忽任老細玩的人，佢有億九，一定係吊到個白痴老細戇鳩鳩。
仲開心過自己中。
＝＝＝
生平最怕遇到傻佬，話自己收租都十皮，呢D可以偷笑完避開佢。但係有個大傻佬特朗普，就避無可避。條友日日走出來鳩吹，講埋晒D野，都唔知嬲好定笑好。一陣話要收返巴拿馬運河，一時話要接管加沙，好似個地球係佢既。
你又唔可以唔理佢，佢日日都吹，十單做一單就夠你煩。
不過，我相信一句老話：惡人自有惡人磨。
今日行完山返來，在街上就遇到爛口杰。呢條友實在係賤，成日攪屎棍，挑撥離間，正一人辦。後來被天收，生意失敗，仲中風添。中風唔死得，先至肯積下口德，老實做人。
所以，只要放長雙眼，等條癲佬仆街之時，劏隻雞還神啦。
沒有留言:
發佈留言