睇開D

昨日收工，返屋企食完早餐就上床。但只訓得兩個鐘就醒。再無睡意，見天氣甚好，於是起行。

不如去車公廟啦。貪城門河一路清靜，慢慢行，曬下太陽好呀！廟內人頭湧湧，好驚被人一紮香篤落我處。

一不做二不休，跟手去埋黃大仙。唔駛講，一樣咁擁擠。既然來到了黃大仙，不如去牛頭角飛髮啦！

入到去，見一個人戴住口罩和cap帽，愕一愕，係唔係大頭文呢？又似又唔似。識左廿年有多，雖然有點怪怪的，但都確認係。打個招呼拜個年，就埋位剪髮。

感覺佢係有病在身，但有點不尋常，反而唔敢問佢乜事。一路都有吹水，明顯聲音帶沙啞。cap帽下只見的水位，但好似冇乜頭髮。最奇怪係佢雙手，又唔係黃又唔係白，好似全無血色。

平時臨走，佢一定話得閒過來。今次都係咁講，不同的是佢握住我隻手。

事後愈想愈唔對路。室內做乜戴帽？對手咁樣色？個零月冇見，乜事？佢大約一年前戒煙，問佢點解，佢話唔戒唔得。

會唔會係做緊化療？哎哎。。。一場相識，雖然唔係乜野深交，但都唔想佢有事。