今次大鑊了

今個八月只放了兩天假，即將到來的星期天，亦冇得休息。身心俱疲，屙完屎、沖完涼就走去眠。兩小時後就要起來上廁所。之後開機睇下新聞，見到星期二的六合彩結果。仆街丫，我以前一路長買的六合彩，中左三粒喎。

我今次有冇買到呢？

印象中好似有落注，但係買左咁多年都唔中，已經唔再長追，有時買個電腦票就算。

科技發達，手機按幾個掣就查到投注戶口結餘。咦！多左錢喎！但係中三粒字，只係派四十元，點解係呢個數呢？多左喎。

查下紀錄，原來我星期二真係買過六合彩，而且唔止一次，係上午十一點一次，下午五點又一次、都係買呢條飛。結果中左兩次三粒字，每注十蚊派四十蚊，贏左六十蚊。但係我完全無記憶。

中六合彩，有錢收，仲收兩次錢，你咪執到囉。。。但係我就好擔心。上午買完、下午就己經唔記得，我係咪老退得咁快？已經濛鳩查查？

＝＝＝

我睇我要勤力練結他了，手指活動，玩音樂，聽說係刺激腦袋的最佳方法。以後要勤操猛練勒。