任我行

本來呀，係星期日休息，但係早幾日公司問我，得唔得閒接多一更。咁我窮Ｌ一條，放假都係冇事做，咪接埋佢囉。

但係問題來了。本來我係休息日一早就去自助洗衣，檢查一下庫存，僅可頂到星期日，再唔洗，就要著SPEEDO。咁就星期四開始策劃去洗衫。星期四，天氣唔好，尚有時間，等星期五啦。到星期五，落更大雨，不得不擱下。星期六，避無可避，落雨都要去。結果都大功告成，洗好衫，又有十幾日可以將呢個問題抛諸腦後。成個人輕鬆晒，好有成就感。

＝＝＝

但係內觀自己的心念，呢幾日是何等的掛牽，覺得洗唔到衫，日常生活都不能好好自理，是何等的無能，直情係會內疚。

＝＝＝

洗好衫之後，覺得，我又何苦咁迫害自己呢？你著Speedo，鳩知咩？會少二兩肉咩？一切都係自少外來的壓力，人地怕你太開心，就加多多束縛，令你不得超生。

＝＝＝

以後就算Speedo都冇得著，我都懶得理。