冇交嗌

早前和朋友吃飯隊啤，朋友訴苦。事緣佢外母有病，要化療電療。個傷口要敷紗布。大家就為所用方式有不同意見。最後用了朋友兩夫婦認為較好的方式。到半夜，外母就打電話來投訴，乜乜物物。結果要半夜出門去滿足佢。

我話，應該一早用外母喜歡的方式，雖然一樣係半夜要出動，但起碼唔駛拗，和和氣氣。計落有著數丫嘛！

跟著大家分享了各自遇到過的不可理喻的人和事，結論係，無謂嘈，唔通你同柒朗普講道理咩。

===

今日八月卅一，本來休息，但為搵多個錢，公司叫到，又做多更。其實都係手機上網過一晚。

社交平台上，又來乜鬼八三一黑警打死人。。。以前睇到就煩，而家就懶理。當年有條傻佬，拿刀去隊警察，然後自隊心口，當場死亡。第二日有個傻婆帶個幾歲女兒去現場獻花。唔通你同柒朗普講道理咩？

而家我其實幾享受柒朗普的發言。你買俄羅斯石油，我加你關稅。你如果唔賣磁石畀美國，我加你關稅。你唔買美國米，我加你關稅。可以想像，如果佢屙屎唔出，又指住個屎坑，我加你關稅。你話好笑唔好笑？

好勒，法院現在判佢關稅遊戲係違憲，放心啦！條白痴一定依然關稅關稅。

佢要出醜，你都冇辦法。