無名火起

今朝收工，覺得又餓又累，都懶得自己整早餐，就去粥舖食啦。叫左艇仔粥和蘿蔔榚，唉！炸花生炸左幾耐呢？軟淋淋。蘿蔔榚粉多蘿蔔少，連個豉油都冇味既？本來個人已經累，食完更破壞心情。

成日話食肆執笠潮幾利害，現在未執的，愈做愈差，遲早大家都自己煮，執撚晒佢啦。

＝＝＝

把火一起又要鬧人。女同學請槍事件，日嘈夜嘈，校方終於發聲明，話校方和老師從不知情。

當你當日真係唔知，咁呢個月拆天咁嘈，人人都知啦。咁你地做左乜呢？係乜都唔做。

而且有片為證，個老師接受訪問時話和同學一起研發喎，咁即係老師係知情啦。呢處老師​和同學一起已經講緊大話。校方現在話老師不知情，即係老師呃鳩校方，或者校方現在講大話。

如果一個學生做功課請槍，老師知道後、點都要記缺點、小過、大過，點都要有懲罰卦？而在請槍請到去日內瓦，唔出校都要停學啦。老師同學生一齊講大話，唔炒唔釘牌，仲成世界？

總之呢單野，唔出來解釋還好，個世界咁多事發生，只要有第二單爆出來、蓋過呢單、大家就過骨。但係香港人真係能力有限，傻事做盡，愈攪愈禍害。

＝＝＝

都係自求多福啦。好耐冇煲三文魚骨湯了，下午的起心肝去買回來，補返下仲好啦。