死性不改

江山易改，品性難移。我總係太多思慮，仲係令自己苦惱的思慮。

上次講洗衫的負累。其實日常生活，仲有好多好多負累。

自己煮食，又慳錢，又健康，又唔駛被人搵笨實，幾好呀！但係就有另一類掛牽。

你買左食材，就會心掛掛，買左棵菜，今日唔食，明日唔食，後日就變成屎一樣。所以成日要記掛，要清雪櫃。

最近就為了要清埋半份梅菜，就要去買免治豬肉來做個梅菜蒸肉餅。尚有些少菜乾，又要煮個菜乾排骨粥。。。等等等等。。。

又係被外物拖住後腿，不得自由。

＝＝＝

我一路都想，死後唔好去西方極樂世界，或者乜野天堂。只想和食神兩個，佢見到我就開心到反肚，笑口噬噬，咁我就開心啦。

但係想下想下，都係要加入食神細妹。因為食神喜歡舔佢細妹個屎忽，如果冇左佢細妹，佢就舔我屎忽。咁我又唔喜歡喎。

如此下去，加下加下，我呢個極樂世界，咪變得好複雜？

＝＝＝

想得太多，實在唔好。