倒米

想買幾粒充電池，因為打風，等到今日先得閒去。之前用過宜家傢俬的都唔錯，決定再幫襯。

去到電器部，搵一大輪都冇。當你想搵個職員來問時，總係影都冇。

靈機一動，不如上佢網頁搵下丫。搵到呢個項目，但係間間分店都有，就係我所在的店就缺貨。

只好作罷。返屋企煮飯。在離開的途中，嘿，咪嚮處囉！首先，電池唔放電器部，放在雜崩冷區，明明有貨，網頁又話冇貨。

換著早幾年，我一定會發牢騷。

早幾日網上盜看劉青雲電影，神探。佢有一個特異功能，就係睇到別人身上的鬼。有人有貪婪鬼，陰濕鬼，膽小鬼。。。

佢前妻鬧佢，人人都有鬼，係你冇，咁就係你有問題。

所以，都係專心煮飯啦！呢個時節，食芋頭啦！今晚就煮左椰汁芋頭炆雞，好好送飯。尚有四分之一個，明日整芋頭蒸排骨，加大量蒜頭豆豉，灑上蔥花，想下都開心。