我死鬼老豆送了兩隻手錶給我。我一直擔心，如果有日我暴斃家中，咁呢兩隻錶就會不知去向。咁，既然老豆交左給我，我在生一日，就要確保佢好好運行。長話短說，其中一隻都幾麻煩。條錶帶懶係刁鑽，結果就積落好多污漬。我上網一查，隻錶原來係1968年的出品，回想一下，應該都差不多。當係七十年代買，到如今，五十五年了。咁呢D污漬有幾厚，可想而知。我試過拆條錶帶，但係積習難返，不得要領。我老豆肯定唔會清理佢，到我接手，我都冇清理過。你唔睇就唔覺，睇真就覺得好撚離譜，一定要大清理。
於是我決定要做佢世界。千方百計去搜集資料，有了一個大概。再上淘寶，搵來所有所需工具。就係咁妙，剛好在樺加沙掛八號波前，快遞送到。
一番努力，被我搞定。
＝＝＝
如此這般，我又心雄了。
這個狗竇我住了廿年整，可知變成點。開頭我都會屎忽痕，得閒就大修整。但係日子一久，雜物一多，又係一句，積壓難返。
近年成鳩日講斷捨離，我唔係唔捨呀，我係懶鳩得做。愈來愈有內疚感，愈來愈多雜物，在家內行走都成問題。打風黑雨就更仆街，一地水，又要拖地，又要執拾。
作為一個正常人，點會唔想有個整潔家居環境？但係偏偏咁多年，我個狗竇都係咁不堪。
搞定左隻錶，我就雄心萬丈。昨晚，我係咁諗係咁諗，點解會咁呢？解決問題係我強項，除左錢，有乜問題我解決唔到？！
想呀想，想呀想。我想到了。就係咁！
我份人就係想得太多。一想到清屋，就有一、二、三、四。。。。十九個步驟，我就覺得好煩，連第一步都唔行出去。只要我分拆好所有步驟，只怕有心人，逐步逐步來，我一定可以攪得妥妥當當。
另一方面，其實我有一個夢想，就係在家中建立一個錄音工作室。其實現在通街都係電腦，冇乜難度。大概的器材好簡單，我都已經有。只係成屋垃圾，阻手阻腳，多多藉口，又唔開動。
攪掂障礙，有個明確目標，我仲攪你唔掂！！？
＝＝＝
昨晚，想通了之後，真係興奮。成晚都訓唔著。
我要向著標杆直跑！
＝＝＝
到今朝破曉，望向大帽山頂。我突然想通了。你呃我唔到既。
我呢世人，都被命運玩弄。愈勤奮，愈慘淡收場。出現一個機會，其實隱藏殺機，令你不得翻身。
今次又重施故技，如果我仲上當，咁就攞嚟賤了。
嘿！你想引我上釣？要我執好間屋，盼望可以從頭再來？我今次唔中計啦～～～我以後日日隊啤抽煙，一於拚死，要死於非命，曝屍幾個月都冇人知，佈滿屍斑，發出惡臭．業主幾個月都收唔到租，上門先發現我死左。
你吹得我漲咩？
沒有留言:
發佈留言