今天應該很高興

星期日一早，收左工本應返屋企訓覺。但係我聽到遠方的呼喚，所以返屋企屙完篤屎，就出發去西貢。兩蚊雞就可以搭巴士去到北潭涌，真係抵到爛。途中一路思量，我應該去水浪窩，去黃石碼頭，還是萬宜水庫呢？

終於去了萬宜水庫東壩。望著海一片，滿懷倦，但係見到個海，實在心曠神怡。跟住行左去白鱲灣。本想去木棉洞，但係落過雨，條路崎嶇難行，終於落沙灘洗下腳，然後就回程。

既然出來了，就順便去飛髮。大頭文個舖頭真係好似街坊福利會，有兩條友坐嚮處賭馬。飛完髮，又累又餓，立即就返歸。

返到屋企，磨下磨下，食下野，飲下啤酒，到八點就上床眠。一夜無尿，醒來時天都未光。本想訓多陣，但係條腰好似麻痺咁，無奈要起床。原來四點幾，即係訓左八個小時，超額完成了。

沖茶飲完，又聽到呼喚。就更衣起行。今次係行出海皮，都好耐冇出來了。意猶未足，跟住當然要上水塘啦！

走入水塘，經過白千層路，落水邊坐返夠本。最近落過雨，行石澗會有危險，所以都係轉返落引水道再落竹林禪院。

呢兩日去返咁多處我喜愛的地方，真係心滿意足。

到了黃昏，本來我係帶著喜悅的心情去返工，點知遇到了一個頭虱婆，破壞了美好的心情。吊。