準備劏雞還神

一直期待著十一月來臨，唔係因為美國蠢桶大選，而係屠龍案和35+會在今個月判刑。

屠龍案就今天了結，主謀判了廿三年，我當堂嘩一聲。其他的，很多都十年以上。現在就等十九日，35+的判刑。

根據王宗堯呢條笨柒，無喇喇走去立法會，被控參與暴動，判左六年，以此估計，呢班冚家剷都應該判十年起碼。

唔係話見人仆街我就開心，而係判刑標誌了2019年所發生的，成件事某程度上完結。當然，哲學一點講，係事情轉化為另一種形式繼續存在。但起碼再冇每星期都遊行，每次都唔反對，結果每次都打到溶溶爛爛。地磚掘起晒，欄河唔見晒，交通燈爛晒。。。

而當時帶頭遊行的，在傍推波助瀾的，今次幾乎一網打盡。天堂有路你不走，無非一句老話，人為財死。一個二個，吼住立法會議員份人工和實報實銷的福利，仆住去墨落無悔，一簽字就有贜有證，真係你要死，唔通唔畀你死咩。

仍記得2019年當時，又憤怒，又恐慌，只感到災難無止境的，不知何時結束。現在知道，所有事情，都有結束的一天。還有就是，一股勢力形成，壯大，到爆發了，係無法抵擋。你明知佢係低能白癡，但你講得佢聽咩？乜事都做唔到，就只好定下心神，等轉機。

所以，貪心的人，因為自己貪心，自投羅網，可以講係最好的結果，一於劏雞還神。