守護神

放生佬成日講野都神神怪怪。例如佢話每個人都有守護神睇住，幫你避過災厄。

今日上班時，順便拎垃圾去掉。垃圾站隔籬係街市，我掉完垃圾，就聽到澎一聲巨嚮。急急轉身查看，原來係一條七，八呎長的木方，被掉在地上，再聽到街市二樓有條柒頭大叫，咁樣掉落去咪得囉！

附近有個後生仔和一個婦人，應該係同行。個婦人就叫，唔好再掉啦！

我望向樓上的柒頭，仲笑口噬噬懶得戚咁。不禁就火起。吊你老母，想掟死人呀！仆街！

條柒頭開頭愕左然，然後講，咩呀！掟到你咩？

我幾乎衝上去打佢，但突然又冷靜的轉身走。

事後一直都火屎咁㷫，但係慶幸冇衝動。若果真係開打，話唔定友愛邨單野又再重演。就算唔打死人，毆鬥罪成，留下案底，就連看更阿伯都冇得做，咁就聽乞米。

至於點解會突然冷靜下來，我都唔明解。一條木方從二樓掉落，聲響之巨，聽到當然係腎上腺素標升，結果一係打，一係走。我開口鬧人，已經係扯火到極，照說一定要打。

只能說，守護神睇住，鎮住把火，免了一場災禍。下次唔好咁笨，打電話報警勒。