我應該當年身在番邦，冇睇過呢套戲。於是上網盜看。片頭字幕，講明導演劉師傅，但係又有大大隻字，係成龍作品。咁就好矛盾勒。危險人物話佢老公劉師傅，好唔開心，覺得鬱住，自此就身體變差。
唉！你早嚮丫，我都成日鬱，你開口，我就買埋送過你都得。只要食岷山牌舒肝丸，就可以鬆返晒啦。
＝＝＝
其實誰對誰錯，外人知條柒咩。
但係我就從另一個角度睇。當年，七，八十年代，社會開始富裕，所以娛樂事業彈起，因為人人努力工作後，有錢就身痕，都要消遣，食飯，睇戲，飲酒直落。。。 酒廊歌手都唱幾個月就買層樓。出唱片的仲利害，未到四十就收山唔撈。
記得當年，龍叔，洪伯，發叔，星爺的戲，唔理三七廿一，一上畫就話要先睹為快，仆到去睇。
早幾年新冠期間，大家躲在家中，電視不停重播當年舊戲。英雄本色前後三集，睇完又睇。我發覺，第一集，演得最好係狄龍，石燕子，曾光都精彩；發叔只係碎料，就算良嗚都好過佢。第二集，係再斬四兩之作，全部把鬼。第三集，最好係梅姐。咁點解發叔會就咁彈起呢？
至於洪伯和龍叔的功夫片，成日有人講返，當年拍戲幾危險，家樂叔講佢拍爆破戲被燒傷跌左落水，救援人一拉佢上水，隻手層皮就好似手套咁甩出來。仲有好多，跌到入廠，好彩就休養幾年先復元，唔好彩就癱瘓一世。
但係我記得，我當時睇戲，唔係為睇你地博命，唔係因為危險動作去睇喎。做乜你地攪咁多危險野呢？
想來想去，我覺得，好似神推鬼恐，咁就去睇。現在回想，當時真係好似欠左你，要去還債咁去買飛入場。
＝＝＝
我現在的睇法，就係前世欠落。唔知大家前世做左乜野，今世要還。龍叔就最利害，華人社會，日本，韓國都唔止，連奧斯卡都要頒個獎過佢。一段時間頽左咁耐，最近一套電影又再彈起。
＝＝＝
掉返轉頭睇下自己，點解人人都好似來搵我攞債咁？個個要我免費為佢做事呢？我死命抵抗，趕走一個，就有第二個接力，用同樣笨柒橋段來搵我笨。大佬，你搵我笨就梗啦，你都顧下我感受，你擺明係當我蠢過隻豬，咁我點忍得落呀？
＝＝＝
又想下想下，如果真係前世欠落你既，你有張欠單，我咪邏囉。但係無憑無據，你話要埋我條底褲，咁我點可以畀你？
＝＝＝
而家我乜都冇，連技能都冇，係咪要我幫你洗屎坑去還？咁你又走來搵我出氣，發洩情緒。大佬，我都冇野可以畀你，你鬧啦。。。
我唔會還口架。。。
沒有留言:
發佈留言