月是故鄉明

今個星期日，又去頂多更搵多個錢。係一間教會。最初聽到個名，有點怪，但又想不到乜原因。

去到現場開工，陸續有員工收工離開，全是老男人老女人。突然想起來。上世紀八十年代，一次行山，去到鶴藪，流水嚮，見好多囡囡坐在溪邊，寫寫寫。。。後來發現，就係乜乜教會，來此可能是靈修。

當時覺得，呢個堂口的囡非常正點，人人仙氣飄飄，可能有真神庇祐。今時今日，此時此地所見的老女人，可能就是當年的正妹。。。

當年的鶴藪，今時的雞皮鶴髮。。。

咪以為我想趁中秋講個月亮千萬年不變，其實早幾年就被嫦娥九號挖左個窿，將來仲會愈挖愈多。只係肉眼睇唔出啫。

唉！今晚做節，煮乜好呢？今日街市一定打仗咁。煩。