隨心所慾

今朝天氣頗清涼，著風褸都頂唔順，內裏要加件羽絨背心添。等收工時段，個肚已經打鼓。獸性大發，今朝決定大吃大喝，去買隻糯米雞做早餐啦。

眾多茶居和點心專門店出品的糯米雞，計來計去，性價比最高都係唐記，不惜兜個大圈去幫襯。途中經過某舖位，噢！以前經常打邊爐的酒樓，不單執左，仲拆到通晒。可能經濟環境，港人飲食習慣轉變，酒樓冇得做，咁大個舖位，可能轉做老人院都唔定。

買完雞返屋企，沖壺茶飲，食到飽飽滯滯，十分過癮。耶撚喜歡食飯前祈禱，感謝乜感謝物。我就實際好多，餐飯都唔知好唔好食，咁早感謝，唔合邏輯。食完之後覺得滿意，感恩都特別誠懇啦。與其燃燒自己，不如詛咒黑暗。我食得開心，轉頭一想，Ｄ仆街成日就想住去坑害人，食龍肉都冇味，個心成日轉壞念頭，食燕窩都會轉化成癌細胞。想到呢班人成日愁眉苦臉，我的快感倍增。

食飽等落格，想起間酒樓。以前沙士過後，市況真係好淡靜，乜都要減價吸客。當年間酒樓，打邊爐任食，連埋啤酒，都係每位百二蚊。就係咁，每星期和損友都去食一次，結果就仆街了，體重增至百九磅，行樓梯都氣喘。不過當年尚年輕，的起心肝去運動，好快就減到百六。唔似現在長年都百七。算啦，唔好勉強咁多。

老人家真係唔知世界將會變成點。酒樓好快變成歷史，快餐店貴到仆街都話冇錢賺。街邊舖，商場舖，吉既。當年發黑暴財的所謂黃店，全部消失。網上講預製菜，如果你入到餐廳，想叫炒蛋，太陽蛋，烚蛋全部都冇，只有煎蛋，咁呢間一定係用預製煎蛋。上淘寶一查，仆街，真係有。八十蚊人仔，就有二百隻煎蛋，加熱就上檯。睇個樣，遇見小麵就係咁既款，難怪廿幾蚊就有個早餐。

有人話現今社會要學ＡＩ，否則你的工種被取代時，你就冇得撈。我都六十有多，我學到出神入化都唔會有人請我啦。不如學烹飪仲好啦，食好Ｄ，唔駛食預製菜，命長唔長就唔知，起碼食得開心。