巴基之勝

二月份，８號休息過，就一直踩到昨晚。今朝一收工，就去買幾罐啤，隊佢一隊，跟住就眠。

訓醒又係跑馬時間，最近幾次，都係食白果，仲要貼錢買腐竹和冰糖，先可以煮到糖水。

不過我爛賭，只要戶口有一蚊，都要戰到最後。先十蚊買楊明綸成百倍大冷門的披屎，果然跑尾二。唔理咁多，再博佢老母！下一場，就買鐵三角位置Q，唔～～～巴基之勝。。。工作環境之中，咁多個同工，雖然語言不通，最合拍都係巴基之友，就買佢！扶搖勢勁唔可以唔拖，拖埋隻唔知乜鳩。結果不負所托，收返八十二元。贏佢老母四十二元。

二月份終於都贏錢啦。拿拿聲轉帳，收錢才是贏錢，之後場次唔玩勒。

＝＝＝

之後，就挑戰重重。呢一個星期，公司要我過冷河，休息一個星期。我個QAS證書又過期，要去重讀。平安咭又過期，要續證。

唉！好撚煩。

最撚煩，就係我想轉工。現在個阿頭，最近成撚日畀面色我睇。有我做錯的，我認。但係你又講到咁絕，你都傻既，我幫到你，你又唔計？

只怪我條命生得唔好。。。　一生中，所有老細，做下做下，都係覺得老馮，要當我契弟。所以我呢一生人，打工每份工都做唔長。今次在這個場都成三年，已經係最長。

所以我不動聲色，趁呢個冷河期，去搵過份。吊佢老母！等佢知道我一走了之，佢踢晒腳，咁就關人撚事囉。