無常

傍晚出門返工。行到近地下，聽到食神老母把聲，不知和誰對話。

到樓下，見到佢在和四樓的住客傾偈。食神老豆就坐在一張柺杖變成的三腳櫈上。

我行近時，食神老母亦見到我，就話，佢行唔到呀！只見食神老豆著住長袖羽絨外套，面容枯瘦，出唔到聲。我不自禁伸手拍了一下食神老豆肩膊，佢點一點頭。

那一刻真係唔識反應。只是繼續出門。食神老母問，返工呀？我隨口答，是。亦和四樓住客講拜拜。

到上了小巴，才想起，食神老母話佢行唔到，可能係係想我幫忙呀！

真係蠢到死。

佢身體弱成咁，點上到樓梯呢？我應該捉埋四樓條友一齊扶佢上去。。。

對上一次見，應該是十二月。估唔到咁短時間就衰退咁多。

日子不多了。