心悸

上星期上左兩日堂，用左五舊水，買來一張證書，咁先至有得撈。今晚又用舊半水，去上三個半小時堂，換另一張證書，咁樣就多D機會有得撈。

今時今日，要我上堂真係攞我老命。坐成日、真係腰背痛。而且所學的，已經係第三次學，冇新意。純為滿足呢個戇鳩政府的要求，你話幾無謂？

可能因為咁，呢幾日心情又試跌落谷底。美其名係有得休息，但係腳傷仍未好，邊處都去唔到。仲成日個心好似跳得好奇怪，唔算係痛，間中有一下好似個心臟要好用力先泵到血咁，上網查，話其實係碎料，只要冇痛冇暈就好閒啫。

但係始終一把年紀，怕有乜依郁，咁就麻乜煩了。

想到呢處，都係要求個心安。今年都未去過拜神，不如去大埔文武廟拜下啦。點知中途遇上塞車，真係好事多磨。去到廟，正想參拜，有個八婆突然打鑼打鼓，嚇到我都唔記得點稟神了。唉！整定。

只好繼續我的巴士行大運，搭車過元朗再返荃灣啦。途中個心又試泵下泵下咁。拿拿聲趕返屋企，爭取時間眠返一個小時，養足精神，今晚去上堂啦～～～