專注力不足

昨晚熬過三個半小時，取得另一證書，花費了我百五元。個導師講野嗶喱嗶喱，次序與課本不同，跳來跳去，跟得我心情煩躁。心諗，何必要咁對我呢？大家搵兩餐啫？

我都懷疑我有ADHD，專注力不足及過度活躍症。我試過上網睇一些測試，睇兩睇就吊你老尾唔撚睇。一度懷疑我確診。

但係我係懶得郁，懶得講；而上堂考試我又一百分，咁應該唔係呢個問題。而係佢老母太過沉悶，引唔起我興趣。

當然，放左學，成功得到證書，我就去買啤酒飲，狠狠地抽煙。我估，我係生活枯燥乏味引致酗酒濫煙症候群。

我睇，我要專注學我的結他，從中得到慰藉，順便學一門手藝，日後冇得撈，或者可以街頭賣藝。