咪以為我天氣熱又偷懶，乜撚都冇做。
首先，我煲了一個霸王花無花果南北杏排骨湯，潤肺滑大腸，呢個時節最合適。
然後，我逐D逐D，掉走一些冇用信件。最可恨就係強積金的信，成日寄來話你蝕撚到仆街呀！好似蝕錢佢冇責任咁。吊佢老母。
我一早就在淘寶寶買左兩個A４快佬夾，將有用的分門別類歸檔。
到呢個地埗，地下就已經露出一條路。下一步，就係再將物件分類。我的雜物，其實心中有數，無非都係電子類：即係辣雞，萬用電錶。。。等電子野；然後就係機械類：電鑽，他筆，平水尺。。。；再有玩物：結他各樣零件；音嚮反樣零件；和相機手機各樣零件。。。分好箱，就天下太平了。
整理好呢D，就要做泥水佬。家中向東南的一面牆已經撲到不堪入目，成撚日甩灰，一地都係。將雜物歸位之後，我就剷佢老母，剷到見石屎，再敏灰，如果好心情，就髹下油漆啦。
不過，講就係咁講，敏灰的物料，其實我已經準備了幾年。。。希望今年可以完工啦！
沒有留言:
發佈留言