食得多、病得多

之前話大孖瘡爆發，靜下來一想，可能和兩星期前老同學聚會的晚餐有關。

當晚係去食潮州菜，餐前小食係鵝膝，第一道上的菜，係鵝片、鵝肝、鵝腸。鵝肝真係入口即溶，好肥美。第二道係紙包蝦，有個同學話佢皮膚問題，唔食。

我就乜撚都食入口。結果好快就爆瘡，另加皮膚痕癢。開頭我用茶樹油去對付，都有些效果，但係似乎效力有限，隔幾日只好去買西藥。才慢慢有好轉。

回想起幾年前脂溢性皮膚炎，真係心驚膽跳。當時攪左好耐先叫好返。但係一年內每當我唔記得戒口，唔覺意食到蝦，或者鵝，頭皮都會發癢。到近兩年，食蝦已經冇問題，點知今次食鵝，仲要由外食到內，可能係咁，加上呢輪天氣悶熱，暑毒盛極，咁就乜都爆發出來。

我睇都要去食盅龜苓膠，清下血毒先得勒。