又係我錯

昨晚休息，一覺訓天光，連夜尿都冇。

起來攪早餐，去埋個廁所，就出發去水塘。

呢排熱到仆街，唔敢太操勞，行引水道，舒服下就算。酷熱天氣下，真係好惡頂，個人差點虛脫。

行完山，要去銀行入數。條龍得四個人，但係好似永遠唔郁咁。唉！又係我錯。其實我一早就知，呢間分行就係咁，我早就話過，要四點五十五分才可以去，因為臨收舖，班職員先會以正常速度辦工。

係唔係公司政策，專登趕走散客，集中招呼富貴客呢？又唔係，因為同區另一間分行係效率正常的。

咁即係點呢？即係呢間分行的職員集體磨爛蓆，倒公司米？

總之錯在我，今日太累，冇去另一間正常分行。抵死。