好熱的中秋節

一早定了方案，今個中秋，要劏雞殺鴨。星期一，就去買定隻急凍雞雞，放雪櫃4度格解凍。星期二一早，就開始處理好，又將湯料浸洗。仲攪埋衛生，拖左笪地。

長話短說，浸熟隻雞，就先用來拜地主。然後就照祖哥所教的起肉。唔駛講，當然係熔熔爛爛，賣相驚人啦！

結果就製成一碟雞腿雞胸，另外一碟手撕雞加即食海蜇皮。雞腔和骨就用來煲湯。海蜇真係不敢恭維，食兩條就丟掉了。其他雞肉就狼吞虎咽，飽餐一頓。

食飽就梗係去眠啦！

到醒來時，覺得好熱，好似火燒咁。走入廚房，先發覺煲湯乾晒水。乜個電磁煲湯模式唔係自動熄火咩？似乎冇燒焦，加水再煲。之後試飲，又幾好味喎。一劑過飲晒成煲湯，當作晚餐，即日就清理埋，免得惹老鼠。

總的來說，今個中秋好有成功感，不過就好熱。睇新聞先知，原來係破紀錄咁熱。到現在半夜三更，又開始雷雨，真係唔得佢死。