笑撚死我

昨晚另一個外援，又係周星星同學，亦稱熄燈訓。明知佢一定訓，決定壞其好事。八點巡過，未訓。九點幾再去，果然訓左。走埋去瘋狂敲窗，佢施施然張開眼睛。我都懶得嘥氣話佢。阻人訓覺，開心過殺佢全家，掉頭就走。

照我估計，佢一定再訓，十五分鐘後再去，全中。再敲窗，今次就反應快D，條仆街仲依起棚死人牙笑。唔笑尤何，棚死人牙令我想起另一個死仆街，同樣的無恥。

唔知點解，呢個時候，我聯想起之前在自助洗衣店半夜遇到的易服癖。大概都係同樣無恥的緣故。大隻騾騾，扮女人，在公眾地方架起錄影機自拍。如果冇人撞破，真係唔知會做出乜野下流事。

人腦的運作好奇怪，呢個時候，我幻想周星星同學，一個六，七十歲的老坑，著起易服癖的裝束，一套黑色低胸短裙女僕裝，極其嘔心，但極其爆笑。呢個仆街，話唔定都做過呢種變態事。心中生起無比的快感，好似識破了呢個仆街的醜事。

跟住，我當然用其他仆街冚家鏟的容貌代入呢個裝扮啦！哇哈哈，太監陳一個獐頭鼠目的猥瑣樣，配上女僕裝，笑撚死我了。

立時覺得，很多怨氣，消減了不少。至於遇過的死八婆，亦設計了另一個形象，用來發洩一下。

哈哈，呢個咪係阿Q的精神勝利法？ 正傳中阿Q係一個可憐蟲，唔夠人打，就說成仔打老豆，緩解挫敗感。咁，我係咪變成一個可憐蟲，失敗者呢？唔理囉！得到效果，又冇手尾跟，百分百有著數啦！