睇戲

對上一次入戲院睇戲，都唔記得係幾多年前。我覺得唔值得。村上春樹講過，寫小說就係呃鳩你。拍戲咪又係一樣，咁我仲畀錢你呃鳩我，我咪好笨實？我去買斤菜，被人呃左二兩，我都要殺人全家，咁做乜仲做傻事？

＝＝＝

但係我以前好喜歡睇戲，入到戲院，燈光漸暗，先有一輪廣告，乜乜桑拿，剪埋頭髮，都係一百蚊唔駛。記唔記得，當年未禁煙草廣告，萬寶路的一段廣告，睇到全場拍手掌。然後有預告片，下期上映，不日上映，或者係功夫片，或者係鹹片，嘩！好想先睹為快。

黑媽媽的環境中，光與影，再加配樂，跟住劇情進展，個心一路被牽動。睇洛奇三集，在沙灘上練跑，和阿波羅兩個跑呀跑，跑呀跑，過佢，過佢。。。ＹＥＡＨ。。。睇凶兆，真係緊張到急尿都唔肯去廁所。睇ＤＩＥ　ＨＡＲＤ，完左場，我幾乎想去買飛再睇下一場，再睇多次。

咁，一方面，以前單純，呃得我高興，冇問題，呃多次丫？另一方面，現在成日被蠢人當我係傻既咁去呃，我吊人老母都吊唔切，仲得鳩閒去睇戲，畀錢人呃咩。而且，你有乜本事呃我丫。　

＝＝＝

2023，疫情過後，朋友講有套戲票房過億喎。我話，而家戲飛貴囉。以前睇半斤八兩，前座三個半咋。乜撚野都計返通脹啦，我睇半斤八兩時，五蚊一個午餐，你現在，五十蚊都未必食到有餐包餐湯，一碟飯，加個餐茶的午餐。咁你一億咪當七十年代八百萬囉，都好撚巴閉架啦。但係唔好扮到咁大啦。

＝＝＝

但係我最撚反感的，就係成班人，夾夾埋埋，吹到死老母咁大。讀書人，淪落至此，學識字，但係無恥，都無話可說。提防騙子呀！

記得當年，有個傻佬，學人要攪電視台，未有牌就開始請人，開始拍劇。就有一班人，在網上發文，四圍吹風，話呢個傻佬有一種魅力，令人跟住佢去闖。吹到呢個傻佬好似神咁。寫文的收左錢，結果成件事咪又係含撚囉。

後來胡穌財神要選特首，有個羅肥仔，佢就真係叻，連林鄭都讚佢，因為佢又係文字高手，寫到胡穌佬點有親和力，點樣點樣，一定將來可以乜乜物物。

就連肥佬黎最初入獄，未斷晒米路，都仲有人寫文，話肥佬在獄中，誓要做黐信封都要破紀錄，暗示呢個係人中之龍。不過，當然，冚家散晒之後，冇水喉，就再冇呢Ｄ文章勒。

寫字，寫文章，就係搵笨實。

＝＝＝

講返戲，到最近呢套死人戲，又係咁吹呀吹，讓這風吹。吹到上億。

如果真係咁巴閉，我地睇下丫，你地上大陸放映，上面唔到你放風吹風，你有幾多票房，咁就知堅定流啦。