雜碎

堆積了一些想法，知識，乜乜物物，一次過，炒雜錦的寫下。　

＝＝＝

一個從香港祖哥視頻學返來的：豬扒，排骨，解凍後，用生粉和糖開水，浸泡一小時左右，豬肉會變稔，豬扒煎耐Ｄ都唔柴。唔駛用鎚仔踏，唔駛用梳打粉。

你地睇完咁重要資訊，每人欠我一千蚊。

＝＝＝

有個視頻講，仲有埋數據。佢話廿年前的各種各樣蔬菜，和今時今日的同樣蔬菜，根據分析，維他命呀，礦物質呀，今日的，減少了很多。原因就係吊佢老母現在種野要快，收成要快，就加化肥加乜加物。自然就望落去肥肥大大，但係食落又冇味，又冇營養。咁又係。而家切洋蔥，幾時會流眼淚？而家煮飯，幾時會聞到飯香？我斥鉅資去買包金鳳米，煮來食，挑！不外如是。以後都係買最平的米。

＝＝＝

早前話要整個盤菜造冬。我老實人，實實在在講發生左乜事。豬腩肉，蘿蔔，豬皮去做個底。結果，炆得太耐，豬皮溶晒，影都冇。你睇視頻，人地教你咁做，要浸要乜要物，冇叫你炆咁耐喎。仲有鴨掌，炆耐左，又係節節分離，冇晒影。結果只剩蘿蔔豬肉。學精啦。

＝＝＝

我有鼻敏感多年，一到天氣轉，或者出入冷氣間，溫度濕度一變，就會流鼻水打噴嚏。有好多人分享過經驗。但係最近我發現，通常都係因為鼻腔又乾又痕，所以打噴嚏。咁，我秋天時，就煮雪梨雪耳紅棗糖水。食完鼻腔唔會乾，咁咪冇事囉。到近來，入冬勒，又乾燥勒，又試鼻敏感。都係鼻腔乾，痕。。。今次就食蘿蔔。人地話蘿蔔破氣，冇撚錯，就係要破佢老母熱燥之氣，食完就鼻腔唔乾唔痕。乜事都冇。

原來就係咁簡單。吊佢老母，三哥和米記，乜野藥箱變手飾箱，賣幾舊水，你地畀我丫。

＝＝＝

我二零年濕疹爆發，二二年抑鬱，有人話要食益生菌。又係幾百蚊一樽。話保持腸道健康喎。直至最近，我發現樓下街市下午後，十蚊三樣菜，如此這般，日日食兩樣九兩菜，條腸變得正常。乜都好返晒。吊佢老母ＧＮｉｂ啦。慳返Ｄ錢，唔該過數畀我。

＝＝＝

唔好迷信科學，要自己知自己事。