關人叉事

呢幾日好多事。

美國蠢桶拜登，臨拉閘放生個仔。可見美國佬幾咁冇人性。要爭做蠢桶，就連個仔都唔理。冇得撈，先來做野。

另一邊，南韓蠢桶尹笨實亂鳩咁來，突然要戒嚴。而家隨時會被彈劾。

呢兩日死左兩個台灣人。一個劉家昌。以前的形象係一個多情才子，名仕風流。點知老來和老婆同個仔反臉爆大鑊，形象一鋪清。

另一個瓊瑤，佢d小說我就唔會睇。還珠格格都冇睇過，但很好奇，劇中幾個女演員，不單走紅，後來都成為了影視製作人。是巧合還是有玄機呢？

不過呢d都關人鬼事，我得閒都顧掂自己先。

之前食左兩日羊腩，個人自然就燥熱。開大時卡得我好辛苦，坐在馬桶上，以為永遠不能離開。

星期日行完山，意猶未盡，星期一又行鑊勁。到末段，雙腳痛得要命。回家一睇，原來起左個超大水泡。望下望下，似十足貓腳的肉墊。哎唷！我變左隻貓啊！