何以解憂，惟有城門

最近情緒又出現問題，有時突如其來的，就會爆發，一陣陣的負面的感覺，冇文字可以形容。幸好仲有小半樽舒肝丸，食左兩日，得以緩解。

趁假期，今朝就走上城門，走入大城石澗坐左一陣。兩年前抑鬱最嚴重時，都係靠呢個位坐下坐下，先有好轉。本應定期去下，但係有時落大雨，水澗有危險。之後又有人貼尋人啟事，唔敢去僻靜地方，萬一有驚人發現就仆街了。拖下拖下，到危急關頭，點都要博一博。

地方唔係特別靚，但係感覺非常好，好似頭腦特別清醒。平時頭腦清醒，就會想起煩惱事。但在這裏，好舒服，冇晒煩惱。

想起老父去世，剛好十年。這十年過得一年差過一年。迷迷糊糊的，全無方向。開頭還好，隨時可以搵食神解悶，但三年前連食神都走埋，難怪會抑鬱。

係時候作出改變了。點改呢？唔理咁多，一注獨得新年金多寶先啦！