朝思暮想都係食

我現在每日上班，最多時間，是花在想明天的早餐和晚餐食乜野。有d 師奶成日話諗煮乜送諗到頭大。我就冇呢個問題。一來網上咁多教煮送視頻，花款多到不得了，只係你肯唔肯去試。二來就係睇個雪櫃入邊有乜，我一個人食得唔多，常常有剩餘物資，煮乜送取決於點樣消滅了存貨。好似家中有半條紅蘿蔔，一個薯仔，一個洋蔥，咁我今朝咪去買隻雞髀，煮個葡汁雞囉。

準備好一切，就走去眠，中午醒來時，新聞又提供了一道送菜的好主意，炒魷雙雄。買隻魷魚，豬紅，雪裏蕻，炒埋一碟，咁咪得囉！