誰對誰錯

近日電視台，攪一系列乜乜物物猜情尋。其中一個係講八仙嶺事件，燒死學生燒死老師。

當時係上世紀九十年代，我剛回流香港，聽到呢單新聞。我就話：有冇攪錯，中學生，十幾歲就帶佢地上八仙嶺？！

後來有好多傳聞，話乜乜物物，有人要爬馬騮崖；有學生食煙引起山火。

有個死唔去的，面容已經損毀到唉唉唉。。。得了乜七七生命鬥士稱號。。。又有倖存者話，就係呢條仆街食煙。引起山火，累死全家。

又有人話，呢個活動，係乜乜物物，係要激勵學生，挑戰難度，激發體能等等等等。

又有話：老師為教學生，葬身火海。後來就建了化雨亭。

＝＝＝

我八十年代尾，當時都未到卅歲，老虎都打幾隻，就上過八仙嶺。當時真係行到我死去活來。港督衛奕信，就成日行呢條路線。我話，你真係勁。

＝＝＝

我咁多年來，就係覺得，最仆街就係帶隊的老師。做領袖，係要帶大家完成任務，唔係送隊員去死。雖然你死左，唔代表你冇錯。唔係一句人死為大，就可以推走晒責任。

你設計路線時，有冇想過，十幾歲後生仔，行唔行到咁高難度路線？

乜野係領袖呀？

害死人啦，你知唔知？