新年創高峰

新年元旦賽馬，貪得意買練馬師王。其實係我第一次買。

資深馬迷都知，蔡神仙年年都慢慢來。十二月見佢都未郁動，一月一定郁。就買佢。

去到尾場，阿蔡領先第二的阿姚兩分。

我對數字有一份本事，尾場阿姚有馬，五倍幾，阿蔡冇出馬。

我十一倍買阿蔡。合指一算，只要我買阿姚廿蚊披屎，無論點樣，我都唔會輸，除非韋達條仆街炒左出來，但係機會甚細。

結果無事發生。阿姚阿韋達都冇上名。順利收練馬師王。雖然輸左廿蚊，但係我用呢個套戥方式，立於不敗之地，贏得好有滿足感。

＝＝＝

今日一月四日。睇來睇去，都係阿蔡大博殺，趁佢倍率有四倍就落佢一注。

第二場，阿蔡俏眼光似樣，就買佢披屎，再睇賠率走勢，買條位置Ｑ鐵三角。結果買三注中晒三注。又係一生人首次。

第三場，又買條鐵三角，又中。

第四場，又鐵三角，吊，輸到無影無踪。要抖抖，走去訓。

到醒來時，已經係尾場，查下賽果，阿蔡領先，但未贏穩。跑埋尾場，都係阿蔡贏練馬師王。又收錢。拿拿聲將所有錢轉返銀行。唔收錢唔算贏錢。

＝＝＝

今年開始幾日，已經開左兩個先河。一定會愈來愈好。